شباب الكلام ده مهم ولازم نأخذه عين الاعتبار ... وعلشان كده لازم نشتغل باي وظيفة...

شباب الكلام ده مهم ولازم نأخذه عين الاعتبار ... وعلشان كده لازم نشتغل باي وظيفة...

‫شباب الكلام ده مهم ولازم نأخذه عين الاعتبار ... وعلشان كده لازم نشتغل باي وظيفة تتناسب مع امكاناتك وظروفك الان هتكتسب خبرة هتنفعك كتير ... اسمعو هذا الكلام .. واقرؤه بعناية ... من احد خبراء تنمية بشرية وادارية وقريبا هيكون علي التليفزون المحلي لمصر هيقدم برنامج مهم ... وجدت هذا الكلام مهم وارجو المعذرة من اي حد يتضايق ... بس من باب وذكر .... اتمني التوفيق للجميع #مصر‬



http://ift.tt/1ign20V



Khaled Habib

‫وظايف: الحقيقة المرة بتوجعني فكرة ان الناس تدور على وظايف و تلجأ لك، و لما ما تقدرش تساعدها يزعلوا منك و يفتكروا انك خذلتهم أو طنشتهم. شوية حقائق واقعية: - مفيش شغل تقليدي في السوق. كل الوظايف الادارية و المكتبية مالهاش وجود. و اللي موجود بيتنافس عليها ملايين. كلهم.عندهم نفس الامكانيات التقليدية للوظايف التقليدية. العرض أكتر مليون مرة من الطلب. - الشركات الكبيرة بتوظف قليل جدا. بالعكس بتقلل عمالة و ترفع انتاجية. و الموافقة على تعيين واحد لازم تيجي من أعلى رأس تنفيذية للشركة العالمية في مركز القيادة بتاعها. حتى لو فراش. - الشركات المحلية غالبا متوقفة عن أي استثمارات كبيرة. رأس المال جبان. و كمان هما صورة مصغرة من القطاع العام. بطالة مرعبة مقنعة. - السوق محتاج وظايف فنية و عمالة تقنية أو مبيعات و لف في الشوارع. و اللي بيدور على الوظايف مش عايز النوعية دي. يبقى مش هتشتغل. - كل واحدة شايف نفسه جامد جدا عشان مؤهلاته الدراسية و اللغوية. و الاتنين مالهمش أي قيمة في سوق العمل. الكل بيدور على الخبرة العملية المثبتة بنتائج سابقة، و اللي صاحبها هينزل الملعب و من أول ثانية هيجيب الجون. - البديل التاني غير الوظايف الفنية و المبيعات هو العمل الخاص و المشروعات الصغيرة. للرجالة و الستات. اللي عنده امكانيات بجد يبقى ينزل الملعب ده. و أكييييد هتبقى أحسن من قعدة البيت أو القهوة و الشيشة. - موضة ان حد بيشغل حد عشان جاي من طرف فلان أو جدعنة بطلت خلاص. محدش له دلال على حد. لو مفيش احتياج حقيقي للوظيفة يبقى عمر ما حد هياخدك تشتغل عنده أو معاه أتمنى كل واحد يشوف الصورة كاملة و يفكر هيعمل ايه في حياته. عشان ما يتوقعش اللي مش هيحصل. و عشان ما يزعلش من حد مالوش سلطة أو قدرة يشغله. و كمان مالوش ذنب انه عواطلي. القرار و الاختيار ليك.‬



April 23, 2014 at 11:09PM

, بوابة وظائف الحكومة المصرية

تعليقات